– Bianca Henning
Groot Phesantekraal Boerdery is geleë naby Durbanville langs die oewer van die Dieperivier en het ‘n ryk geskiedenis wat al oor geslagte strek.
Op hierdie boerdery is een van die oudste plase in Suid-Afrika en die land se eerste koringplaas, geleë. Daarom word Vissershok plaas vandag amptelik as ‘n erfenishulpbronterrein erken.
In 2024, is Groot Phesantekraal Boerdery ‘n goed gediversifiseerde en vooruitstrewende familieboerdery met die vierde en vyfde geslag van die Brink-familie, André Brink en sy seuns, Rennie en Jeandré, aan die stuur van sake.
Die boerdery bestaan uit ses boerderytakke: kleingraan, vee (wat ‘n Dohne Merino-skaapboerdery asook Hereford-beeste insluit), wyndruiwe, ‘n voerfabriek, gasvryheidafdeling en ‘n nie-landboutak (bou departement) wat help om die plaas se risiko te versprei.
Die hele Brink-familie is betrokke in die dag-tot-dag operasies. André is verantwoordelik vir die algehele bestuur van die boerdery en identifiseer nuwe geleenthede vir uitbreidings en waardetoevoeging. Rennie bestuur die kleingraan- en wynafdelings, terwyl Jeandré op die veeafdeling en die voerfabriek fokus. André se vrou, Ronelle, hanteer die bemarking, administrasie en uitvoer van die wyn.
André glo ‘n plaas, soos enige ander sake-onderneming, moet waak teen stagnasie. Daarom probeer hul om op die voorpunt van nuwe tegnologie en boerderymetodes te bly, mits dit funksioneel is, waarde toevoeg, asook kostedoeltreffend gebruik word om grondgebruik optimaal te bestuur en natuurlike hulpbronne in stand te hou.
Die Dieperivier het die plaas se storie gevorm – sy vestiging, uitdagings en toekoms hou alles verband met die rivier wat deur die plaas vloei.
Rennie Brink vertel: “Grondpryse het die afgelope paar jaar van ons vereis om meer op ons eie grond uit te brei. Die Dieperivier wat hier deur die plaas loop, loop elke winter baie sterk. Ons het sewe jaar geneem om die waterregtelisensie te kry. Daarna het ons redelik uitgebrei op die plaas en ‘n groot dam vir watervoorsiening vir besproeiing opgerig.”
André se pa en die Andrag-familie kom al ‘n lang pad saam. Omdat beide Agrico en die boerdery in durbanville gelee is, het hul sterk daaroor gevoel om plaaslik te ondersteun.
“Ons het gevoel Agrico is die regte vennoot om in die bedryf te hê. Hulle het ons bygestaan om die regte besluite te neem.
“Ons grootse risiko hier in die omgewing is diefstal. Agrico het die nuwe geslag G4-spilpunt, wat diefstalbestand is, vir ons aanbeveel omdat dit feitlik geen sigbare komponente op die spilpunt het nie.”
Die Agrico-span het vir André die berekeninge oor potensiële besparings gemaak, insluitend die doeltreffendheid van die stelsels wat ontwerp is, en hulle het saam besluit om die projek af te skop.
Gerrie Herbst, meganiese ingenieur van Agrico, vertel: “Hier by Vissershok het ons ‘n pasgemaakte projek gedoen. Hier was geen ontwikkeling gewees nie, ons het van begin tot einde alles deurgedraf. Vanaf die oorspronklike ontwerp vir die 80 Ha wat hulle wou ontwikkel, tot ons aanbevelings vir die pomp en masjienkeuses, asook die fisiese oprigting van die spilpunte, die pompkamers en die suksesvolle voltooiing van die projek.”
Rennie vertel: “Ons het vier G4-spilpunte hier op die plaas opgerig, wat nou vir ons ‘n langer tydperk van die jaar gee om verskeie gewasse te plant, veral op ons kleinste sirkel wat 11 Ha beslaan en die grootste een van 25 Ha.”
Hy deel verder: “Ons het in Januarie en Februarie ons eerste somergewas ge-oes. Daar groei tans koring onder die spilpunte, wat ons kon natmaak toe dit bietjie droër geraak het gedurende September. Ons sien uit daarna om die volgende somergewasse na die koringoes te plant.
“Die grootste voordeel van die spilpunte, is die feit dat ons ‘n somergewas kan verbou wat ons nooit in die verlede kon doen nie. Daar is ‘n bykomende opbrengs wat nooit daar was nie. Voorheen het die grond het dormant gelê, maar nou kan ons iets verbou.
“Ons veevoeraanleg is ook baie voordelig. Ons verbou nou ons eie kuilvoer en groenvoer. Waar ons in die verlede bykomende voer moes aankoop, sit ons nou die waarde by ons eie produk en hoef ons nie bykomende uitgawes aan te gaan nie. Ons kan weer op ‘n ander land iets anders plant wat meer winsgewend is, en ons produseer kuilvoer teen ‘n fraksie van die koste,” sê Rennie.
Elke spilpunt is opgerig met sy eie pyplyn en sy eie pomp. As daar onderhoud gedoen moet word of ‘n pyplyn breek, dan word net die een spilpunt geaffekteer en nie die hele stelsel nie.
Gerrie vertel: “Ons het twee pomphuise hier opgerig wat eers aan die boer deur middel van 3D-modelsketse voorgelê is, om elke komponent te kan sien en bestudeer.
Rennie meen: “Wat lekker is van die G4-spilpunte en die spuitpakkette, is dat ons doeltreffend water kan toedien wanneer die krag die goedkoopste is, en wanneer die wind nie waai nie. Ons kan op die regte tye die water toedien op die mees doeltreffende manier met die minste vermorsing.”
Die G4-spilpunte is ontwerp met diefstalbestandheid in gedagte, met alle waardevolle komponente versteek van die blote oog. Die bande kan ook nie gesteel word nie, te danke aan diefstalbestande boute.
Die G4-spilpunte is toegerus met afstandbeheer (Agrico Web Control). Elke boer het na oprigting ‘n gratis proeftydperk van twee jaar het om te besluit of hy wil voortgaan met die sagteware of nie. Daarna kan die diens teen ‘n bykomende koste voortgaan.
Rennie vertel hoe die afstandbeheer sy lewe vergemaklik: “Die afstandbeheer waarmee hierdie spilpunte opgerig is, is ‘n baie groot pluspunt vir my. Ek kan die spilpunte ook vanaf my foon aan- en afskakel. Ons basisplaas is ongeveer 25 km van Vissershok af, en om elke keer te ry om iets te kom kyk, vat baie tyd uit jou dag uit. Nou kan ek my foon optel en elke spilpunt, en elke pomp se druk sien.“Nog ‘n pluspunt is die feit dat ons ‘n tydstelsel kan koppel om af te skakel wanneer elektrisiteitkostes te hoog is en weer aan te skakel wanneer dit laer is. Die alles met die druk van ‘n knoppie!
“Daar is ook veiligheidstelsels aan die spilpunte geïnstalleer om outomaties af te skakel sou daar ‘n pyp bars of die druk nie reg is nie, en jy kry ook onmiddellik ‘n kennisgewing. Die Agrico-span kan ook enige tyd aanlyn op die spilpunte inskakel sou die druk nie reg wees nie, en dit van hulle kantore af aanpas en regstel,” voeg hy by.
“Agrico het van begin tot einde die pad saam met ons gestap, asook na die tyd. Ondersteuning en bystand is net ‘n oproep weg! Tot op hede het ons werklik nog net klein uitdagings gehad, maar wanneer jy die foon optel, is die Agrico-span onmiddellik beskikbaar om te help,” sê Rennie.
“Ek sal hierdie spilpunte beslis vir enige boer aanbeveel. Ons het in ‘n jaar se tyd nog geen diefstal gehad nie, die pompe loop doeltreffend, die masjiene gebruik elektrisiteit so suinig as moontlik en die afstandbeheer is uitstekend.
“Ons is besig met bykomende aansoeke om waterregte en Agrico het reeds die planne opgestel vir die volgende uitbreidings. Ons is definitief op die regte pad saam met Agrico en ons gaan nog ‘n lang pad saam met hulle stap!” sluit Rennie af.
After storms hit northern farmers in late 2024, Agrico and the community quickly restored 42 center pivots, saving vital crops. This collaborative effort highlights the power of teamwork in overcoming disaster.
Op die plaas York, ‘n klipgooi vanaf Ellisras in Limpopo, dryf Johan van der Linde sy boerdery met trots met die hulp van Agrico se kwaliteit produkte en volgehoue goeie diens. “Ek het nie ‘n begeerte om eers by ‘n ander ou uit te vind of hulle produkte beter is nie, want wat Agrico doen, doen hulle goed,” meen Johan.
Agrico has taken a significant step toward sustainability and operational efficiency by adopting a hybrid energy system. Partnering with RenEnergy, we’ve integrated solar power and advanced battery storage to reduce our reliance on external grids, lower operational costs, and minimize our carbon footprint.
Bakkies Botha, a name synonymous with grit and perseverance on the rugby field, has found a new arena where his drive and dedication continue to flourish – the world of farming. But for Bakkies, farming is more than just a game or a career; it’s a calling, deeply connected to his love for South Africa and his commitment to the agricultural community.
At Vrymansfontein, part of the Vondeling Group in South Africa’s Paarl district, almond farming is thriving thanks to a combination of ideal climate and efficient irrigation practices. With plans to harvest its first commercial crop in 2025, the farm uses a tailored drip irrigation system designed in partnership with Agrico to meet the specific needs of almonds.
Inwoners van Lichtenburg in Noordwes ervaar al meer as twee weke lank onderbrekings in kragtoevoer, nadat ‘n Eskom-transformator gebreek het en ‘n kabelfout by ‘n minisubstasie ontstaan het. Agrico het saam met ander tegniese spanlede van plaaslike ondernemings, hulp aangebied om die probleem op te los.
